Kinyang’anyiro kikubwa kinatarajiwa kwenye eneo bunge la Kibra baada ya Rais Uhuru Kenyatta kuitikia shinikizo kutoka kwa naibu wake William Ruto na kuruhusu Jubilee kumenyana na ODM katika uchaguzi mdogo.
Baada ya siku za mazungumzo kukamilika, Chama cha Jubilee kilitangaza Jumatatu kuwa kitaingia kwa mashindano hayo ili kukutana na ODM ya Raila Odinga katika uchaguzi wa Novemba 7.
Hatua hiyo inaonekana pigo kwa ODM, ambayo ilikuwa inatarajia msaada wa chama tawala kufuatia handisheki kati ya Raila na Uhuru.
“Kufuatia mashauriano na uongozi wa chama kwa heshima na eneo la Kibra, tungependa kuwasiliana na wanachama wetu kwamba Chama cha Jubilee kitawania katika uchaguzi mdogo wa Jimbo la Kibra, “katibu mkuu Raphael Tuju alitangaza katika taarifa.
Hii inafanya uchaguzi wa Kibra kuwa na mashindano ya farasi watatu ambayo ni ODM, Jubilee na chama cha ANC cha Musalia Mudavadi.
Meneja wa zamani wa Raila wa kampeni za rais Eliud Owalo atagombea kiti hicho kwa tiketi ya ANC.
Kwa mujibu wa The Star, rais Uhuru Kenyatta hakuwa anapendelea kuingia kwenye kinyang’anyiro hicho maanake ni ngome ya ODM.
Walakini, naibu rais ambaye ameweka macho yake juu ya urais mnamo 2022, alikuwa amedhamiria kukisia nguvu zake na ubabe kwenye mji mkuu.
Jubilee pia inajulikana kwa kuvunjilia mbali ugombezi wao kwenye uchaguzi mdogo wa Embakasi na Ugenya kwa ile ilidhamiria kuathiri handisheki kwani eneo hizi mbili ni ngome ya ODM ya Raila Odinga.