Hofu ya kupoteza kiti cha Kibra baada ya ushindani mkali kutoka kwa vyama vya wapinzani imelazimisha ODM kuvunjilia mbali uteuzi wa moja kwa moja.
Chama kinapanga na kumtayarisha mgombeaji ambaye atakuwa katika nafasi ya kupigana na wapinzani wao wakati wa uchaguzi mdogo ujao. Na makosa ya zamani lazima yaepukwe.
Kiti hicho kilikuwa wazi baada ya kifo cha mbunge Ken Okoth wa ODM mnamo Julai 26 aliyeaga dunia juu ya saratani.
Siku ya Jumapili, kiongozi wa chama Raila Odinga alitangaza kwamba ODM itafanya zoezi Jumamosi ili kumchagua mtu wa kupeperusha bendera yake katika uchaguzi wa Novemba 7.
Kinyang’anyiro hicho kimeanza huku vyama vya upinzani pia vinajipanga kutoa mtu wa kuviwakilisha kwenye eneo hilo la Kibra.
“Utatembea kwa amani kwenda kupiga kura na upigie kura mtu yeyote ambaye unataka. Ikiwa watu wamekamilika kwa kupiga kura, itahesabiwa na kisha matokeo kutangazwa papo hapo, “Raila alisema.
Chama, kulingana na mtu wa ndani, haiko tayari kwa aibu nyingine bada ya kushindwa kwenye uchaguzi mdogo wa Embakasi Kusini na Ugenya ambazo zilikuwa ngome za ODM mwezi wa Aprili.
Hii ni kusema kuwa ODM ilipuuza uteuzi wa mmoja wa familia ya Ken Okoth kama walivyotuma ombi lao marehemu alipozikwa.