Michael Joseph amechaguliwa Mkurugenzi Mtendaji wa Safaricom kufuatia kifo cha Bob Collymore.
Alichaguliwa kufuatia mkutano wa bodi uliofanyika Jumatatu.
Mwenyekiti wa Safaricom Nicholas Ng’ang’a aliwaambia waandishi wa habari kampuni hiyo ilianza kufuatilia mwongozi atakayemrithi Bob.
“Kufuatia kuaga dunia kwa Afisa Mtendaji Mkuu wa Kampuni , Bw. Robert (Bob) William Collymore tarehe 1 Julai 2019, katika Mkutano maalum wa Bodi ya Wakurugenzi uliofanyika tarehe sawia, Bodi iliamua kuteua Mheshimiwa. Michael Joseph, mwanachama wa Bodi ya Kampuni, kama Mkurugenzi Mtendaji Mkuu wa Kampuni,” taarifa ya Safaricom inasema.
Bw. Joseph atashikilia nafasi hii mpaka Bodi itawasiliana kwa muda mfupi, kwa uteuzi wa kudumu.
Joseph ni Mkurugenzi Mtendaji wa zamani wa Kampuni na Mwenyekiti wa sasa wa Bodi ya Kenya Airways.
Siku ya Jumatatu wakati wa mkutano wa waandishi wa habari, Mwenyekiti wa Bodi la Safaricom alisimama huku akigubikwa na machozi wakati akizungumza kuhusu Collymore. Alimtaja kuwa jasiri na kujitolea hata kama alipigana na leukemia.
.